O Consello Escolar é o órgano de participación dos pais, dos alumnos, dos mestres, da titularidade do Centro e do persoal de servizos na xestión dos centros educativos, sen prexuízo das funcións propias do claustro de profesores.

Ademais garantirá o exercicio dos dereitos recoñecidos dos alumnos, mestres, pais, titularidade e persoal de servizos. Así mesmo favorecerá a participación efectiva de tódolos membros da comunidade educativa na vida do Centro, na súa xestión e avaliación.

O Consello Escolar velará pola efectiva realización dos fins da educación, pola mellora da calidade no ensino e a configuración dun auténtico ensino galego.